सोनोग्राफी हे पुरुष व स्त्री या दोघांसाठी वेगवेगळ्या आजारांचं निदान करण्यास अत्यंत उपयुक्त असं उपकरण आहे. पण, स्त्री व सोनोग्राफी हे समीकरण जरा जास्त रुढ आहे. सोनोग्राफी हे पुरुष व स्त्री या दोघांसाठी वेगवेगळ्या आजारांचं निदान करण्यास अत्यंत उपयुक्त असं उपकरण आहे. पण, स्त्री व सोनोग्राफी हे समीकरण जरा जास्त रुढ आहे. कारण आजारांशिवाय स्त्रीच्या जीवनात तिला येणाऱ्या वेगवेगळ्या अवस्थांमध्ये, होणाऱ्या त्रासांमध्ये सोनोग्राफी एखाद्या जीवलग मैत्रिणीसारखी तिला मदत करते.
स्त्रियांच्या आयुष्यातली ही एक अतिशय दोलायमान अवस्था आहे. कारण यामध्ये ती लहानपणातून तारुण्यात पदार्पण करीत असते. बऱ्याच किशोरवयीन मुलींना पाळीचे वेगवेगळे त्रास असतात. त्याची शहानिशा लवकरच केलेली बरी. त्यामुळे स्त्रीरोगतज्ज्ञाकडून तिची व्यवस्थित तपासणी करून घ्यावी. बऱ्याचदा या मुलींची सोनोग्राफी करावी लागते. पाठीच्या वेळी पोटात अति दुखणं, पाळी लवकर लवकर येणं, अतिरक्तस्राव जाणं, अनियमित रक्तस्राव जाणं, पाळी जास्त दिवस जाणं, ओटीपोटात गाठ लागणं, पाळीच सुरू न होणं, नियमित असलेली पाळी चुकणं, पाळी न येणं, पाळी खूप उशिरा येणं अशा अवस्थेत सोनोग्राफी करावी. सोनोग्राफीमुळे मुलींच्या जननेंद्रियांच्या कितीतरी आजारांचं निदान होतं. उदा. जन्मदोष, गर्भाशयाच्या गाठी, बीकोषाच्या गाठी आदी. या मुलींमध्ये सोनोग्राफीची चाचणी पोटावरून करावी लागते. त्यासाठी निदान चार तास लघवी न करता मूत्राशय पूर्ण भरलेलं असेल, अशी काळजी घ्यावी लागते. यासाठी खूप पाणीही प्यायला सांगितलं जातं. लघवीनं भरलेल्या मूत्राशयाच्या पाठीमागेच गर्भाशय असल्यामुळे या लघवीच्या पाण्याच्या पार्श्वभूमीवर गर्भाशय, बीजकोष व्यवस्थित दिसायला मदत होते.